La Conqueste du chasteau d’amours conquestee par l’umilité du beau doulx

Les premières lignes

Au temps jadis fut ung gentil homme simple & de bonne vie lequel estoit povre & avoit grant peine a guaigner sa vie/ il avoit ung jeune filz lequel des sa jeunesse desiroit & aymoit les chevaulx/ chiens/ & oyseaulx/ et pareillement se delectoit es fais d’armes comme nature l’instruisoit. Apres que par le vouloir de dieu son pere et sa mere furent trespassez de ce monde il demoura seul & n’avoit gaire des biens mondains parquoy ledit enfant ne sçavoyt quelle chose il devoyt faire/ car il estoit jeune & n’estoit pas trop bien endoctriné parquoy quant il se vit en telle povreté il s’en ala vers ung sien oncle lequel estoit frere de son pere et estoit ung tressaige homme et demoura avec luy long temps. Ce pendant qu’il demouroit avec sondit oncle il se delectoit au deduit des chiens & oyseaulx/ & montoit dessus les chevaulx puis prenoit ung baton & joustoit contre les arbres & contre les murailles. Il alloit aux champs souvent pour veoir les chasseurs aux bestes sauvaiges/ et les voleurs aux oyseaulx en telle façon que lesdis chasseurs estoient bien joyeulx quant il

Sommaire

1. La conqueste du chasteau d’amours conquestee par l’umilité du beau doulx.
2. ¶ Cy s’ensuit la conqueste du chasteau d’amours conquestee par le beau doulx.
3. ¶ Comment le beau doulx jousta et guaigna la jouste/ et eut plusieurs biens que son maistre luy donna.
4. ¶ Comment le beau doulx fut festoié au chasteau & des biens que son maistre luy fist.
5. ¶ Comment la dame du chasteau d’amours manda lettres en tous pays que s’il y avoit nulz chevaliers qui par faitz d’armes ou autrement peussent faire troys choses par elle commandees seroient seigneurs et maistres dudit chasteau et comment le beau doulx se mist en chemin pour y aller.
6. ¶ Comment le beau doulx se partit avec ses gens/ et comment il rencontra le roy des formys a toute son armee/ et du parlement qui fut fait entre eulx deux.
7. ¶ Comment le beau doulx fist crier que chascun se disposast de passer oultre pour parfaire son entreprise/ & comment il trouva la cane.
8. ¶ Comment le beau doulx trouva la mouche a miel.
9. ¶ Comment le beau doulx fut mené par les dames au chasteau d’amours.
10. ¶ Comment le beau doulx saillit hors de la tour et vint au chasteau dont la dame & les damoiselles furent fort esbahyes.
11. ¶ Comment le beau doulx fut mené par les dames au chasteau et festoyé honnestement.
12. ¶ Comment l’acteur redigere la substance de ce present livre.